МУБИС болон БНХАУ-ын Зүүн хойдын Багшийн их сургууль хоорондын хамтын ажиллагааны гэрээний дагуу 2023-2024 оны хичээлийн жилд НХУС-ийн ДДХТ-ийн II, III ангийн оюутнууд БНХАУ-ын Зүүн хойдын багшийн их сургуульд 100%-ийн тэтгэлгээр суралцахаар явах бэлтгэлээ хангаж байна.
Өмнө нь тус гэрээгээр холбогдох болзлыг ханган нийт 26 оюутан хос дипломтой төгссөний зэрэгцээ МУБИС -ийн оюутнууд мөн адил хэлний бэлтгэл, магистрт үргэлжлүүлэн сурах зэргээр хамтын ажиллагааны үр шимийг тасралтгүй хүртсээр ирсэн билээ.
2019, 2020 оны хичээлийн жилд цар тахлын улмаас энэхүү хөтөлбөр түр хугацаагаар завсарласны эцэст МУБИС - ийн Гадаад харилцааны алба , БНХАУ-ын Зүүн хойдын багшийн их сургуулийн Гадаад харилцааны алба ,НХУС -ийн харьяа алба, тэнхэм, удирдлага, багш нарын хамтын ажиллагааны дэмжлэг туслалцаатайгаар дахин үргэлжлэхээр болсон билээ.
II, III ангийн оюутнууд БНХАУ-ын Зүүн хойдын багшийн их сургуулийн багш нарын бүрэлдэхүүнтэй шалгалтад тэнцсэн байна. Энэ хичээлийн жилд НХУС-ийн ДДХТ-ийн хятад хэлний багш Б.Цэцэгбадам нийт 26 оюутныг хариуцан явахаар боллоо.
