Удирдах зөвлөл 2021 оны 12 сарын 16-ны өдөр 93,3 %-ийн ирцтэйгээр хуралдаж дараах асуудлуудыг хэлэлцэв.
- МУБИС-ийн захирлын 2020-2021 оны хичээлийн жилийн үйл ажиллагааны тайлан, цаашид хэрэгжүүлэх үйл ажиллагааны хөтөлбөр (“МУБИС-ийн дүрэм”-ийн 4.2.1; 4.4.2) - О.Алтангоо /Захирлын албан үүргийг түр орлон гүйцэтгэгч/
- МУБИС - ийн 2021 оны төсвийн гүйцэтгэл, 2022 оны төсвийн төсөл - О.Алтангоо /Захирлын албан үүргийг түр орлон гүйцэтгэгч/
- Оюутны өргөө цогцолборын бүтэц, орон тоог шинэчлэн батлах тухай - О.Алтангоо /Захирлын албан үүргийг түр орлон гүйцэтгэгч/
- Бусад
- Сургуулийн өмнөх боловсролын туслах багш бэлтгэх цахим сургалтын төлбөр тогтоох тухай - О.Алтангоо /Захирлын албан үүргийг түр орлон гүйцэтгэгч/
- Гадаад оюутны монгол хэлний түвшин тогтоох шалгалтын төлбөр тогтоох тухай - О.Алтангоо /Захирлын албан үүргийг түр орлон гүйцэтгэгч/
Хурлаар шийдвэрлэсэн нь:
- МУБИС-ийн 2020-2021 оны хичээлийн жилийн ажлын тайланг хэлэлцэн, Захирлын ажлыг “хангалттай” гэж дүгнэж, МУБИС-ийн Хөгжлийн бодлогыг хэрэгжүүлж ажиллах захирлын үйл ажиллагааны хөтөлбөрийг дэмжиж батлав.
- МУБИС-ийн 2022 оны “Байгууллагын гүйцэтгэлийн төлөвлөгөө”-г хэлэлцэн дэмжиж 2022 оны төсвийг батлав.
- МУБИС-ийн Оюутны өргөө цогцолборын бүтэц орон тоог шинэчлэн батлав.
- Сургуулийн өмнөх боловсролын сургуулийн туслах багш бэлтгэх 18 кредит сургалтын нийт төлбөрийг тогтоож батлав.
- МУБИС-д элсэн суралцах Гадаад оюутны Монгол хэлний түвшин тогтоох шалгалтын хураамжийг тогтоож батлав.
- Капитал банкнаас авлагад авах Дорноговь аймгийн Замын-Үүд сумын 2 дугаар багийн 35-2 дугаар байр, 35 айлын орон сууцны барилгыг 2022 оны 07 дугаар сарын 01-ний дотор улсын комисст хүлээлгэн өгөх ажлыг зохион байгуулж, авлагыг барагдуулах, МУБИС-ийн Горхи-тэрэлж дэх сургалт, дадлагын төвийн барилга угсралтын ажлыг 2022 оны 07 дугаар сарын 01-ний дотор чанартай гүйцэтгэж дуусган ашиглалтад оруулахыг үүрэг болгосон тогтоолыг тус тус баталлаа.