МУБИС-ийг төлөөлөн МБУС-ийн профессор Ц.Батхүү /төлөөлөгчдийн тэргүүн/, МУБИС-ийн Ахмадын хорооны дарга профессор С.Жамц, НХУС-ийн зөвлөх профессор С.Эрдэнэмаам, БоСС-ийн сэтгэл судлал, арга зүйн тэнхимийн дэд профессор Д.Дэлгэрмаа нар 2022 оны 9-р сарын 29-нөөс 10-р сарын 3 өдрүүдэд БУИС-ийн 90 жилийн ойн арга хэмжээнд оролцлоо. Төлөөлөгчид хөтөлбөрт тусгагдсан бүх үйл ажиллагаанд оролцож, МУБИС-ийн захирлын баярын илгээлтийг дамжуулж, дурсгалын зүйлс гардуулан, Орос хэлний тэнхмийн эрхлэгчид МУБИС-ийн Нийгэм, хүмүүнлэгийн ухааны сургуулийн хүндэт докторын цол, үнэмлэхийг гардуулсан юм.
БУИС-ийн ректор А.В.Дамдинов МУБИС-ийн удирдлагад чин сэтгэлийн талархал илэрхийлээд, хоёр сургуулийн хамтын ажиллагаа цаашид улам өргөжин тэлж, үр өгөөж бүхий олон ажлаар баяжин гүнзгийрнэ хэмээн найдаж байгаагаа энэ дашрамд илэрхийллээ.