МУБИС-ийн Удирдах зөвлөл 2022 оны 12 сарын 15-ны өдөр 16:00 цагаас А байрны 300 тоот танхимд 80%-ийн ирцтэйгээр хуралдаж дараах асуудлуудыг хэлэлцэв.
- Мэдээлэл танилцуулах (2022.12.02-ны өдрийн УЗ-ийн хурлын тэмдэглэлээр)
- Баян-Өлгий аймаг дахь салбар сургуулийн хөгжлийн төлөвлөгөө
- Горхи тэрэлжийн "Оюутны хөгжил, хээрийн дадлагын бааз”-ын үйл явц, цаашдын төлөвлөлт
- 2023 оны байгууллагын гүйцэтгэлийн төлөвлөгөө, төсөв батлах
- Багц цагийн сургалтын төлбөрийн хэмжээг тогтоох тухай (2023-2024 оны хичээлийн жил)
Хурлаар шийдвэрлэсэн нь:
- Баян-Өлгий аймаг дахь салбар сургуулийн хөгжлийн төлөвлөгөө болон Горхи тэрэлжийн "Оюутны хөгжил, хээрийн дадлагын бааз”-ын үйл явц, цаашдын төлөвлөлт мэдээлэлтэй танилцав.
- Монгол Улсын Боловсролын их сургуулийн 2023 оны үйл ажиллагааны орлогын төсвийг нэгдүгээр хавсралтаар, зардлын төсвийг хоёрдугаар хавсралтаар, бараа ажил үйлчилгээ худалдан авах, хөрөнгө оруулалтын төлөвлөгөөг гуравдугаар хавсралтаар тус тус батлав.
- Монгол Улсын Боловсролын их сургуулийн 2023-2024 оны хичээлийн жилээс мөрдөх бакалавр, магистрант, докторант, гадаад оюутны 1 кредит цагийн сургалтын төлбөрийг тогтоолын нэгдүгээр хавсралтаар, МУБИС-ийн харьяа Ерөнхий боловсролын сургуулийн сургалтын төлбөрийг хоёрдугаар хавсралтаар тус тус шинэчлэн тогтоож, Энэхүү тогтоолын хэрэгжилтэд хяналт тавьж, удирдлага зохион байгуулалтаар хангаж ажиллахыг Захирлын албан үүргийг түр орлон гүйцэтгэгч (О.Алтангоо)-д үүрэг болгов.